ANSON bb 的第一封信

ANSON BB 第一次收的係咩信哩?唔通有FANS寫信俾佢


非也.......

話說今日開信箱收咗封信, 本來都冇咩留意

都只係一封奧比斯寄嚟叫你捐款的信, 成日都收到架啦

(其實我覺得幾唔環保, 真係個個月都收到, 仲要次次都勁大封)

咁有咩特別哩? 緊急募集
當然不是啦

奇在封信係寄俾ANSON BB 架


成件事即時就變得非常有趣

奧比斯竟然叫ANSON BB 去捐錢, 真係幾得意,

跟住我就諗, 如果中咗六合彩用ANSON個名捐番一百幾十萬

去歡樂滿東華, 再影張大支票移交相都幾攪笑

希望真係有咁既一天啦

ANSON BB : 奧比斯叫你捐錢喎, 捐唔捐啊?

順便都呼籲一下, 係金融海嘯下, 慈善機構都開始受影響

據奧比斯講善款開始大幅減小, 希望大家有餘錢的都做下善事啦