Anson今年K3要開始同佢選小學了!
今次Anson去左參選屯門青山天主教小學。
日後諗住Alison都跟Anson同一間小學(由於世襲制可直入嘛)
而且Anson至Alison出世年份都係出生率勁高既，
所以選小學真係幾頭痛!.gif)
這間學校係爸爸以前既母校，
如果anson選這間會多d分既，不過我地都仲考慮緊。
平時只係係BabyKingdom睇學校評價多，
由於好少途徑知道學校好唔好，
最好就係自己去學校親身感受!
學校安排家長聽講座,而小朋友就去做課堂體驗。
校長本身只係係這間學校做左2年，
本身學校由2-3班小一，開到今年既5班。
上網聽人話學校多誇境讀，
不過我相信係屯門元朗區大部分學校都有囉...
學校會以英文為重點，今年仲轉左本深d既英文書。
有精英班，咁當然入到精英班又會有多d野讀
例如: 劍橋英文，拼音班，英文會話班等等...
今年學校體育堂新加左游水堂，上堂會安排去仁愛堂，
仲唔需要額外比錢。
平日上堂時間會有功課堂，比學生做功課。
另外學校又有功課輔導班，可以係學校留到6:30。
而成績唔好既學校，亦會安排佢地補課~
而到P.3,P.6係要朝早回校補課，因為要考公開試喎，
我只知這2個考試係會影響升中的!
校長其實講野都好中肯，應該係到讀書都唔輕鬆。
佢有一句話: 學習係痛苦的，一定唔會係開心教育
(其實我都幾認同校長既講法)
升中方面: 每年不少於25%入到屯門天主教中學
(Papa其實都想Anson升中升返屯門天主教中學，
因為Papa都係這間中學畢業嫁)
聽完講座，就去睇anson點上英文。感覺有d似幼稚園上堂呢~
不過anson話唔多鍾意間學校，
因為間學校舊喎.gif)
(咁都得? )
(咁都得? )
來緊都會去多幾間小學參觀，
不過有幾間時間撞左，有部份小學想去都無得去呢!.gif)
沒有留言:
張貼留言