靠得住~ 靠唔住~

"靠得住"係一間食市的名

仲係一間屯門新開的食市

更勁既係屯門第一間有米芝蓮推介的食市分店 

那又如何!! 最後都係被高脂家評定為靠唔住食市之一

依間靠得住有明星打招牌, 又有米芝蓮座陣, 價錢算係平民化

有所期待真係小不免

靠得住食既係粥麵, 同高脂家其中至愛 - 池記既食品非常類似,
連個餐都似得十足, 唔知邊個炒邊個啦~

當日我地叫咗個炒麵, 豬手麵, 一隻稯同帶子豬膶粥

先嚟既係炒麵, 味道唔講啦, d麵竟然係凍既!!! 凍既炒麵!!!!
街邊食到既炒麵衰極都暖啦!!!!

之後到既係喊肉稯, 依個係佢地既招牌菜之一,
老實講, 除咗size 特別細之外, 真係食唔出有咩特別之處

另一個招牌菜係魚皮, 我就聽到其他食客非常不滿咁講, 又冇魚皮啊~
即係話經常缺貨啦!!! 

之後到帶子豬膶粥, 老婆想影相寫blog, 叫我搵番d帶子出嚟先影,
之後我就不繼咁搵, 搵到差d 想問侍應係唔係俾錯野之際

終於搵到一片size 同厚度都係大約係一蚊銀左右既帶子,
而且係接近冇味既劣質貨

豬膶就仲離譜, 大大條根定唔知咩鬼都仲未整走,
粥底係有d魚味, 不過完全唔綿

最後個豬手麵其實幾好食, 可惜最後先嚟,
之前個d 食物質素已經另我食到嬲嬲地

所以我係都要彈埋個豬手麵, 個麵係用我覺得最無謂但又要堅持的傳統 - 細蓉麵碗

一個咁細size 既麵碗, 再放兩舊大豬手係到, 問題就嚟啦,
麵係會完全被蓋住, 即係你要局住食豬手先

一係就好有技巧咁"了" d 麵出嚟食, 其實只要細心地俾多隻碟仔已經解決到問題啦

再講服務都係亂嚟, 一間餐廳十幾個仕應, 夠哂人用, 不過望清楚d,
派飛叫位有兩個,但係竟然冇人帶位, d 客入到自己亂坐,
我張6人大抬, 我地3個坐底20分鐘之後對面先有人入座

咁既服務, 咁既食物質素, 依間分店一定冇米芝蓮推介~~  

[高脂物體Family] 已經登陸左Facebook 專頁

未Like既快d去Like---> 高脂物體Family啦~

http://www.facebook.com/ansonyalison