專科搵笨醫生

anson 自從上次病了之後, 鼻水仍然不繼流

係老師建議同婆婆介紹之下, 去了旺角睇岑卓倫醫生耳鼻喉專科

間診所其實好多人睇, 我地book了時間都要等咗45分鐘

好在anson 都算乖, 入到去坐地講了病徵給醫生聽

之後就去另一張椅坐好, 醫生就係到搵工具

以為佢會好專業咁睇anson 個鼻, 點知得個細夾仔

都唔緊要, 最重要係當時醫生話睇唔到, 要anson 抬高d個頭

咁我就將anson 個頭抬高, 抬到一半, 醫生已經話ok啦, 前後唔到5秒

5秒可以睇到d咩啊!!!!! 我肯定個醫生係咩都睇唔到!!!!!

之後又望吓個口, 又係anson" 啊 " 一聲, 又睇完!!!!

之後睇耳仔, 睇既時間都係超級快~

不過今次有野講~ 醫生話" 唔~ 隻耳仔............. 都好清潔啊"

我開始唔好老脾~ 前後睇唔夠20秒, 得到一句 耳仔清潔!!

跟住醫生好似背書咁, 講番鼻敏感要住意d咩, 你知我知大家知個d老馮野~

又話唔好滴鼻因為anson仲細個, 點知我又多口講兩句話anson 夜晚鼻塞好勁喎

個醫生又開番支滴鼻的藥水, 最攪野既係個nurse 話

支藥水唔好成日滴啊, 會滴壞個鼻架! 嘩!!!! 滴壞個鼻你就唔好開俾我啦!!!

又唔係我話要開滴鼻藥, 我只係話anson 鼻塞啫!!!!

最後anson 只係得兩支藥水加一支滴壞鼻的藥, 收我$800

仲講到明5日後要覆診~ 咁既醫德加咁既價錢我一定唔會去再睇囉

家陣anson 食咗兩日藥, 完全冇效用, 鼻水依舊

極度建議大家唔好去睇岑卓倫醫生!!!!!!