10/9又係anson要返健康院跟進講野既問題.
anson mama請左假,早上帶anson返學!
平時由爺爺,嫲嫲,papa帶返學anson係唔喊的
仲自己乖乖入課室.連MISS都話ANSON叻!
點知由mama帶返學就出事...
ANSON一去到學校就要MAMA跟佢入去廁所洗手,
之後仲帶MAMA入自己N1個課室
(估唔到返左幾日佢已經識行返去自己個課室)
但係ANSON就唔比MAMA走,MAMA等ANSON玩玩下唔為意就走了
都係出面等左幾分鐘知道ANSON無喊MAMA先走.
係課室出面見到每個學生都有畫畫
原來anson都有嫁,即刻影底佢先~
點知到放學MISS話ANSON都喊得幾勁下,仲見佢有少少黃色鼻涕
MISS以為ANSON係唔舒適先咁喊添!
到放左學MAMA問ANSON做乜喊ANSON無認我.
MAMA又問ANSON星期一返學好唔好佢又話好喎!
MAMA決定下次都係唔自己帶ANSON返學了.
事實証明如果各小朋友家長,如果帶返學最好
找個佢唔多跟既人帶真係好好多!
因佢地唔會因個大人離開而喊反而情願留係學校玩.
放左學就找PAPA食LUNCH食完就同ANSON返東涌健康院.
去到健康院姑娘比個本書ANSON,姑娘講邊樣物件,ANSON就跟住指.
之後姑娘都係問下ANSON識講乜野詞語.
姑娘聽完覺得無問題,4歲先再返健康了!
去完健康院就同ANSON睇私家醫生,
一去到又周圍走,又周圍爬連姑娘都話佢唔似病
其實ANSON都係有少少鼻涕(係朝早有少少黃色),
唔想佢攪攪下越來嚴重都係睇醫生收左D鼻水先.
醫生睇完都話無乜事,都係開左支收鼻口+咳藥水!
來緊10月有新既流感針打,不過今次加左H1N1落去
唔知MAMA們會唔會野小朋友去打呢?
我自己,老公+ANSON都好大機會會打.
因ANSON MAMA一唔打流感針個年就成日病
而ANSON返N1覺得打左多個保障好似好D!
唔知悠悠第一日返學會點呢...?ahah
回覆刪除你好啊, 想問問歲半講嘢唔 PASS, 定意係D咩啊?我見間間健康院都唔同做法..可唔可以同我分享一下啊.
回覆刪除[版主回覆09/14/2010 13:39:00]其實我識既0809mama有10個起碼有8個都唔pass的! 佢指既講野係要bb識+講得出先計. eg)見到你佢會講mama,見到papa識自己叫 而你講佢跟住講個d係唔計的! 通常男仔係會遲d先講野嫁! 我個仔後來都要成20個月先開始講得多野. 希望解答到你既問題啦~
多謝你的解答. 見到爸爸叫爸爸, 咁我個仔應該 pass, 佢真係識叫, 唔洗跟人口水尾, 你問佢 or 用手指指一指, 呢個邊個啊?佢會識叫媽媽, 爸爸, 哥哥, 丈丈...
回覆刪除我兒甥仔都係0809的bb, 岩岩兩歲, 好高興認識你.
打針我仲未知啊, 因為我連歲半針都未去打, 阿仔病左仲未好返, 我估要下次見醫生時先再問問佢的建意.
[版主回覆09/14/2010 16:45:00]咁你囝囝都識講好多野喎! 我個囝個時只係識PAPA,MAMA所以唔PASS要2歲再返健康院
多謝呀, 可能佢口多多呱..唔知呢, 其實我唔知點定意, 所以問一問你, 因為健康院d姑娘真係有時做法不太一樣......
回覆刪除多謝你覆我.