IKEA.愛家.愛孩全體驗 @ Mega box

日期: 16-09-2010
時間: 20:00-21:30
地點: Mega Box IKEA

好榮幸今次有機會參加Ikea舉辦既"IKEA.愛家.愛孩全體驗"

由於去到已經20:00,Ikea亦準備左豐富既dinner比我地blogger享用
(好細心呀~)

一向都好鐘意Ikea既食物,用料好,價錢平真係好低食.

我地各blogger同IKEA同事一邊食一邊傾下育兒心得.
雖然大家都係第一次見面,但係一d都唔覺得陌生,氣氛相當愉快~
食完dinner後IKEA大廚Kenny仲準備左甜品比我地添呀~

甜品: 麵包布甸
今次既甜品除左好食之外,仲想帶出一個環保信息
麵包平時買多左/餐廳做多左出來,我想都會掉左去.
但係原來多左出來既麵包其實可以用來做麵包布甸做到不浪費又環保!
Good呀~~

值得一提 : IKEA餐廳內亦新增左個兒童玩樂區 .
小朋友通常食完就話要走(anson就係好例子),papa/mama次次都食到趕頭趕命
所以Ikea既餐廳真係好好!除左照顧到小朋友之後亦照顧埋我地d家長
家長們可以輕輕鬆鬆享受食物,而另一方面亦可以睇住小朋友玩!
真係好放心!anson都好鐘意去嫁~
(可惜anson mama今次唔記得影個餐廳比大家睇添...)


去到IKEA除左食當然要睇下佢地既小朋友產品&家居佈置啦!

IKEA比我既感覺價錢低,實用同款式多亦係最多兒童傢俬選擇的公司!

原來下面個貯物櫃拉左出來後個櫃面仲可以書檯用添!
可以節省很多空間呀~

部份兒童床已經有床欄又唔高,唔洗擔心小朋友訓訓下跌落床

另一款伸縮兒童床仲可以自己調教長度
有3個長度可以選擇,(最長既長度剛剛好是單人床size)
唔怕小朋友大得快而又要換床呢!

除左床,anson mama覺得床褥同樣重要!
anson mama都唔知FOR小朋友既床褥原來都有咁多選擇嫁.
其中乳膠床褥有多個透氣孔,anson成日訓覺都出汗嫁.
有機會真係要買來試試!

點解個兒童衣櫃得個洞既?

原來係刻意唔加手把唔怕會撞到小朋友,
而且咁既設計亦方便小朋友開櫃關櫃,唔怕夾到!
仲係新產品有好多顏色選擇添~

唔止傢俬款式多,玩具款式同樣多~
唔好睇這個珠算玩具好似無乜野玩
Ikea Karen分享佢同囝囝玩既經驗!
原來可以用來同小朋友玩認顏色,學加減數,學數量等等
連anson mama都估唔到原來可以有咁多玩法嫁.

BYGGA建築套裝
小朋友可把不同的積木裝嵌在一起，
除左可以鍛鍊雙手的小肌肉，仲可以訓練手眼協調，
增加手指動作的靈活度,提高創造力,出耐性及專注力

MULA積木車除左可以當車拖住行,可以教小朋友顏色,型狀
積木車盤印有積木圖案方便組合
可以訓練手眼協調

Ikea仲有好多煮飯仔玩具添呀~
D煮飯仔食物都係用布做既,又安全.
玩到Dirty仲可以攞去洗!
其中一位Blogger何師奶仲做埋model比我地影相添 (小妹妹手上既雪糕都係布嫁)

除左煮飯仔仲有其他玩具都係用布做的.

這個狗公仔玩具真係令人愛不釋手

除左有狗仔衫外,仲有狗糧,狗罐頭,化妝袋,藥箱,
狗狗訓覺兜等等....

等小朋友透過作角扮演去學習照顧&愛動物呢!
我想除左小朋友鐘意外,大人玩起上來都會瘋狂愛上呀.

今次既活動anson mama過左一個愉快既晚上
IKEA仲比左個好大既驚喜我呀!
估唔到佢地好有心思,設計左一張我地一家3口既相比我地
真係令我好感動,再次多謝大會既安排!

希望日後再有機會參加這類活動.


P.S.等anson好返晒就同埋anson papa一齊去ikea掃貨先.