於是Mama就2/4接左anson回家了.
由於anson Papa要返工既,Mama就帶左anson3/4同Papa+契媽食lunch
食完Lunch契媽仲買左隻復活蛋比anson
而Papa就見到一本日本雜誌$78(送一個2用既Head Potter袋)
Anson都對個袋好有興趣喎!
個袋可以做斜揹袋
個袋2旁仲有2個袋仔的.
每晚anson同Papa,Mama都玩得好開心!
又古靈精怪,多多表情
每次沖完涼都要攞支cream出來
自己搽腳腳
好啦!到夜晚係時候訓覺了!
Anson Papa,Mama間房既地台床近窗個位
Anson係好鍾意行去個到睇車車的,
於是每晚Papa,Mama都要同張床變身...
加多張被上去比anson專用
不論朝早定夜晚anson都好鐘意睇車車
每次見到巴士,輕鐵一定指住仲"唔,唔"聲話比我地知
有巴士,輕鐵經過呀!
終於等到星期日Anson Papa唔洗返工
Anson飲完果汁
玩完一輪+小睡左一陣,就向沙田宜家出發了
去到Anson Papa又叫左佢既最愛燒牛肉,芝士蛋糕
薯條,肉圓
Anson係咁食...薯條!
原來Ikea食野既地方有個Area比小朋友玩嫁!
個小朋友係咁捉住anson唔放
原來ikea有個area係家長可以將d小朋友比d ikea staff托管.
有波波池玩嫁,不過要3-10歲既小朋友先入得!
食完野就同anson走左去睇兒童傢俬又玩左一陣
其實係ikea玩足一日,我想anson都好開心!
行完ikea Mama去左出口個邊買野食
Anson一見到Mama個雪糕係咁叫要食,仲要大啖大啖咁食!
食到成嘴都係囉!
之後去左Snoopy Island不過太多人了影左幾張相就走囉.
Anson成日都勁high呀!
夜晚去左老爺奶奶屋企食飯!
老爺奶奶掛住服侍anson,
我同anson papa就係咁食食食.
返到屋企玩多一陣
又係時間訓覺了.有時湊anson會覺得時間真係過得好快.
今日終於要湊anson返婆婆屋企,一早papa帶左anson落公園玩
Mama要整粥仔同洗碗所以無去
食完粥仔就帶左anson去同papa,mama食lunch
其間Anson要去同小蜜蜂玩,而Mama就偷偷地買糖比Anson食
點知比Papa偷影到添!
買完糖啦!返去Papa到食Lunch啦!
食完lunch去冒險樂園行左陣,原來屯門分店有碰碰同波波池玩嫁.
其實anson mama同papa拍拖時都有去玩既
前個幾年一直都無再續會,我想到anson大少少都要去入過會啦.
玩完左同anson去育嬰房換片,點知換完片anson應得路返冒險樂園
好玩夠啦!要坐車返婆婆到.
anson已經累到係車到訓左~
回到婆婆到食完dinner,Papa mama要走了anson好似唔係好想papa,mama走呢.
食完dinner終於可以返去uniqlo掃貨
Mama買左3條7分褲
Papa買左2條牛仔褲,2件衫
本身Mama之前上網買左件日本Tee比anson
而papa見到uniqlo有件卡樂B蝦衫同anson件Tee好襯所以決定買左佢.
P.S.係假期既時間papa,mama都好努力逗anson去尿尿
平均每日都可以係痰罐呵到4-5次尿.
但anson有一個唔係咁好既表現,每次叫anson尿尿
佢有時會谷紅面面去呵(好似無得呵又要谷尿尿出來咁)
每次見到咁既情況mama都會同anson講
有得呵就呵無就算囉,一陣再呵,唔可以谷嫁!
之後anson就會搖頭表示無得呵了.
snoopy land影相一流, 不過我上次去好多人啊~~
回覆刪除