上星期返playgroup都係唱下歌跳舞教下動物咁
玩既時間返而無咁多,希望下堂多d野玩啦.每次要坐定定聽書時anson都係攞住d凳周圍去.
再唔係又攪下teacher本書書.
anson開始霸道了,BB們行過去睇書,
佢唔like人地又走過去就推開人,
Mama講佢又話mama曳曳...
放學前吹波波又係超開心呀!
星期日一早同Papa一齊刷牙.
之後坐單車落街飲茶茶.
(覺唔覺anson個頭有d唔同左?
因上完playgroup回家Papa又同佢剪左少少頭髮
Mama成日見佢"R"頭好想同佢鏟短.
但比anson papa reject左...)
之後落左市中心睇波波展,點知都無乜野睇既,失望!
下午出發去探朋友個BB,anson第一次去既.
入到屋都有少少驚嫁.但過左一陣就無事仲周圍走添.
仲拖住我個朋友攞野玩.
見到BB既anson好好奇呀!BB喊時仲拍BB心口叫佢唔好喊.
又幫手搖BB成個大哥哥咁.
今個星期anson婆婆開始逗anson去尿尿,
有時anson無穿片片賴左落地仲會話自己曳曳添.
昨日anson係痰罐呵左7次尿尿(其中1次係mama逗佢呵嫁)
由9:00am-9:00pm只係用左3條片片.
anson加油呀!
勁呀! 你地每次逗Anson通常幾耐？
回覆刪除[版主回覆03/23/2010 23:00:00]我通常逗1-2分鐘,有時問anson佢會搖頭即係話唔呵 咁過多5-10mins又再逗佢囉!
回覆刪除ANSON 識自己擦牙???好叻呀!!!!!!!!!!!!!!!!
[版主回覆03/24/2010 10:53:00]anson佢刷牙都係玩咋(有時仲用水點下隻牙刷再刷)! 不過公公同佢刷牙佢都肯而且仲識漱口添.
仲識漱口??勁~!!!!!!!!!!!!!!!!!!!!!!!!!
回覆刪除[版主回覆03/24/2010 13:00:00]都係比凍滾水佢飲之後叫anson吐 佢就吐返出來姐.我地已經叫漱口嫁啦.
Anson 仔座唔定未必係壞事呢! 我覺得男生係噤, 再講佢對身邊好多事都有"好奇心"對學習係好有幫助, 將來學野都快d啦!
回覆刪除Anson仔而家出街已經座"私家車"啦........好風呀!
[版主回覆03/25/2010 17:19:00]我地見落街近咪比佢坐單車囉. 因平時都好少坐,而且唔想成日抱anson 抱住佢好累嫁!
我覺得幫小朋友戒尿片係一件幾艱辛嘅任務, 見到Anson 仔都好努力噤去完成"任務", 都好開心, 希望Jimmy仔都會好似Anson哥哥噤努力啦~~~
回覆刪除[版主回覆03/26/2010 11:58:00]ANSON第一日就好努力,之後... ANSON依家見到個痰罐就即走啦! (知道我地逗佢尿尿) 而且依家又穿左片片,賴左佢都唔會出聲 等5月倒唔比片佢穿,我想會易戒D 不過到時就要成日睇住佢唔好比佢上床同 要預左佢賴尿成日抺尿囉.