高脂物體Faimly: 濃烤芝士蛋糕 @ 東海堂

2013年10月19日星期六

東海堂新出咗濃烤芝士蛋糕, 仲標榜係日本拎咗一等獎,

papa 當然要試一試, 依個蛋糕係真金白銀咁用咗$163買番嚟

唔係PR送架, 買完拎上手, 已經知道好足料,

因為細細個都相當垂手, 證明用咗好多芝士,

不過又唔係一定多芝士好架喎,

有d 多芝士既會做到死死實實咁,

蛋糕,仲有精美的日式包裝, 精緻的圓形木盒,

岩岩好放得下一個用了牛油紙包好的芝士蛋糕,

仲細心咁用咗一條橫紙放蛋糕底, 橫紙兩邊略高於蛋糕,

然後兩邊用手一拉, 整件蛋糕就可以原整咁由木盒抽出,

嚟到依part, 未食都已經加哂分啦!

不過開盒後有小小失望, 蛋糕外貌樣衰衰咁, 好似發咗毛咁,

原來發毛個d 地方就係濃烤後的結果, 用刀切開, 並不過硬,

近乎完美的軟硬度, 另外蛋糕本身各方面都近乎完美,

芝士味重不在話下, 仲有小小牛奶的香味,

軟滑永遠都係連在一起, 要滑就自然要軟身,

不過東海堂做既芝士蛋糕有一定的硬度之餘仲非常滑口,
難怪取得一等獎啦, 各方面都近乎滿分, papa都冇可挑釁

不過都仲未講到個d 濃烤發毛物體,

個d 物體其實都係一片芝士, 烤完之後本身並唔太香,

食落似老鼠芝士味道偏淡個種, 而且烤完仲有小小苦味,

不過加落芝士蛋糕上面並沒有太大的驚喜變化,

只是略略增加了另一種芝士的味道,

我覺得只係一個賣點, 錦上添花之用多於實際作用,

對我嚟講濃烤效果可有可冇, 因為蛋糕本身已經近乎滿分.

近排經過東海堂已經為芝士蛋糕加上敬請預訂的字眼,

想試的朋友記得預早買啦~

Pages