係正我地前面得檔買餅既同買老人家食品, 無咩特別, 再行前一檔不得了囉
放哂d壽司係到俾人試食, 仲要係好靚吓既油金魚壽司, 下面張相係我第二日既早餐
同平時冇咩機會食到既魚子壽司 (不知名魚), 鮮甜後苦既, 怪得之香港冇機會食啦
間野仲有好多唔同款的壽司架, 不過通常都幾多人排隊, 所以之後都冇咩機會試食囉
但係完來日本野個老闆同我地個老闆係friend 底, 去到第三日成盤咁拎過嚟比我地食, 正~
last day又親早上冇咩人又數多兩轉, 分別係完條魷魚仔同大大舊吞拿魚
日本檔係我最欣賞亦都係食得最多的一個攤位
之後第二檔我最欣賞既就係意大利區既其中一個攤位
成條事都好有型, 先見到一個鬼佬廚師(唔型的), 放咗個巨型芝士係到
之後倒d 酒精係個芝士上面再點火喎, 攪到個芝士著哂火, 又睇到d人嘩嘩聲
更精彩既係, 廚師竟然係火光紅紅的芝士上面炒飯啊
真係做show 咁做比你睇
事成之後, 試食之際又變咗另一回事, 由著哂火既芝士上面炒完既飯竟然冇芝士味
因為已經比濃濃的黑松露醬蓋過了, 好食到冇野講
第三野食品本來都覺得好精彩, 食完之後就扣哂分
依個係yogurt 店既出品, 先用一個麵包界開, 放d yogurt 落去, 再放入一部機到加熱
變為一個飛碟物體, 不過係肥版飛碟囉
食落並不如相象中吸引, 本身個飽已經唔軟熟, 似隔夜麵包, 加上yogurt 既酸味
另佢更似一個隔夜並變壞咗既麵包
其實仲有好多好野食, 講唔哂亦都食唔哂
例如食開既生蠔, 即片的ham, 無數咁多既雪糕
仲有d 攪到成間餐廳咁, 坐底落order再煎條排俾你試
仲有幾間扮到成間bar 咁係到試酒
下次有機會一定要再去, 行足一日, 試足一日
沒有留言:
張貼留言