ANSON第一次學校旅行 (part 1)

不得不講時代唔同囉~
以前學校旅行, 例排北譚涌 / 彭福公園行個圈咁就一日架啦
以家D學校旅行攪到成個旅行團咁, 仲要係購物團個種喎
真係唔知俾家長去定係小朋友去~
今次既行程包括制麵廠同廸欣湖, 午餐係酒樓食團體菜, 好鬼旅行團FEEL
首先我地去既制麵廠係粉嶺, 真係係d山卡La入面, 旅遊巴差d都入唔到

落車後好似d大陸購物團咁入咗個展覽廳大家坐地聽介紹
不過d介紹好悶好悶, 悶到anson 呆咗

                                                  .

之後mama都呆埋一份

                                     
等咗好耐之後, anson終於有d笑容啦.......
















因為終於有麵食
 

間麵廠叫錦興, papa 試食專家的評分係俾一貫的低分
麵唔香, 唔爽, 同埋罷得太耐先拎出嚟, 一d都唔好食,
抬面的鮑魚汁, 佢地極力推介
不過sorry, 都係唔得, 得個"咸"字, 仲要係好咸, 零鮑魚味 ~
間野大大話話都有半個世紀歷史, 之不過一d都唔出名, 係有d原因既
不過抬面俾我地飲的茶 (應該非錦興出產), 叫吉仔茶, 真係用個吉嚟包住d茶葉煙燻喎
吉同茶的味原來好夾, anson同papa飲完一杯又一杯,
最後papa都買咗一盒返屋企飲

 

間廠仲罷咗好多古董, 廠的人都有介紹, 不過present 得真係幾差~
失去吸引力, d小朋友當佢地玩具咁玩, 可惜~
介紹完之後d大人好似唔駛錢咁搶購個d好難食的面
不過完來走個時人人都有神秘禮物, 就係錦興麵一包啦
我地一家3口, 總共有3包~
相信好多人走個時心裡暗地講 " 總之唔買啦 "
我就心裡面講 "好彩我冇買啫"
參觀麵廠其實都幾失望, 可能我期望太高
初初以為可以親身制麵架, 不過冇囉~