1歲發展

上次anson嘔完,飲左1晚寶礦力後,雖然無嘔.
但第2朝就痾水了! (不過又無肚痾,係正常1日2次)
已經3日了痾既便便都比較爛同水.
今日試下用米水開奶+飲米水睇下會唔會好d先!

自從anson嘔完之後就勁痴mama+婆婆成日要人抱.

星期二去左健康院打1歲針+肺鏈
Mama當然又請假陪Anson去打針啦!
去到磅重 : 9.6Kgs之後姑娘又比d積木叫Anson放入個盒入面
另外就係要用2隻手指攞細微既東西Anson都做到!!

不過姑娘話到1歲開始唔洗食咁多奶喎!
1日2餐奶已ok!
到打針了... (其實入到去打時,都有d擔心會唔會打錯針)Anson之前去私家打針都係喊2聲only
去健康院打就喊到鬼鏈咁!!

活動方面:
自己行到5-6步...有野扶/有人拖就行到好多步.
唔知係唔係ANSON爬得太多,有隻腳趾起左"抱"呀!

行為方面:
1)會將自己唔要既野比/推去比老豆
2)有大量食物ANSON會好慷慨咁比人/
你打開個口佢會扮將食物送入你口
3)當唔比佢做/玩某D野同佢SAY "NO"
(ANSON就會好老牛聲地"唔"我地來表示佢既"不滿")
4)做事無耐性,比個盒佢開唔到就發脾氣
5)有時發忟憎忟到手都陣晒
(大少少都要教anson control下自己既脾氣先得)6)得到/攞到佢想要既野就會奸笑

食野方面:
今個星期開始轉2餐奶+2餐粥+小食

等anson腸胃好返d又要轉奶粉了.
見anson皮膚(面面2邊)有時熱既時候都有"R"又成日捽眼!
為安全起見都係試轉"能恩"睇下得唔得先!
(其實我覺得Anson某情度上都有d敏感)

來緊又要開始準備同ANSON報N1班了!
其實ANSON PAPA唔多贊成嫁.
不過ANSON MAMA堅持要比ANSON讀N1
所以都係MAMA一手一腳自己攪+比學費囉.
我既心態係收就讀(到時比6299湊)
無人收就唔讀囉(係返婆婆到)

Anson既發呆証件相 (執相前)

P.S. 今個星期去開吉吉島見好多BB衫大減價
大部份BB衫,褲都係$19.9/件
Mama都忍唔住手買左5件衫+2條褲