第2次&final療程@angel face

話咁快就做完個療程啦!等我問報告下先:

第2次療程: 主要做打散脂肪
部機個頭,好得意嫁!好似d伯伯個洗頭刷咁
係個肚到係咁轉!(30 mins)
之後再做焗毯 (20 mins)
搽左1支精華素+2隻cream焗

Final療程: 主要做收緊+排水
先做機,部機好似d拔罐咁,係個肚到係咁吸(30 mins)
之後再做焗毯(20 mins)
搽左1支精華素+香薰

做完晒療程就要磅重+度身
體重共減左2.5磅 (即96.5磅)
全身減左8吋
自己就覺得條腰無之前咁鬆,但高脂當然話唔覺囉...
(不過條腰只係瘦左0.5吋咋反而隻腳瘦得最多)

其實如果跟足佢地既方法食野真係會瘦的
但由於小老婆無定力+為食
又食壽司又食雪糕先減得咁少...
值得一讚既係佢地既美容師好好人又唔hard sell
每次做完療程都要填問卷!
雖然等2次去做療程美容師都話我知
佢地有個plan係$6800減肥course for1個月,叫我考慮下join唔join
到final療程時都係填問卷時問我點解唔join$6800個course
不過都係講左幾句,填完個問卷就走得.
唔會要你入房傾,唔join唔準走個d!
如果我有$$再減肥,我都會再去Angel Face呢

食冰冰的anson

天時暑熱, 日日都要開冷氣涼涼,

小老婆仲諗到俾粒冰anson玩,

anson個樣勁攪笑, 仲望住鏡頭交足貨

第1次療程@ANGEL FACE

話咁快今日就去Angel Face做療程囉~
去到Angel Face到先沖身再做療程.
今日主要做肚
光波緊膚儀瘦身療程(30mins)---個肚好似比支野吸住左咁
做完之後個肚有少少紅+酸痛咁
去腫通淋巴療程(30mins)---搽左3樣野係個肚到,再焗熱毯

做完之後比左碗湯我飲,飲完就沖身,穿好衫
等顧問教這10天既飲食啦!

這10天既食療:
(第1-5日)
早餐: 餐前飲草本茶1包+蔬果/乳酪
午餐: 正常
晚餐: 代餐+菜

(第6-10日)
早餐: 酵精1支+蔬果午餐&晚餐: 代餐+菜

飲食重點：
早餐: 餐前先飲1杯溫水,再食蔬果/乳酪
(必要時可食1-2片粗粒全麥包)

正餐: 70%蔬果,30%主要食物
每日只可食一餐肉(肉種只可食一種),海鮮可食多種
每餐只可食2種食物:
1)蔬果+1種肉
2)蔬果+海鮮
3)蔬菜+飯

注意:食完肉/海鮮,要隔５小時先可食澱粉質食物

最後顧問比左本簿仔我要記錄3餐食乜,下次要帶返比佢睇呢!仲諗住去元氣食壽司,依家無得去添!
要等10日過左先去得了...

超失敗爬爬爬比賽

ANSON識爬都好耐吓, 係時候測試吓ANSON的實力

一於帶佢出去試吓BB爬行比賽

未參賽前, ANSON同我地一齊係EURO GO GO補充一下能量先

跟住食飽飽之後就去參賽啦

大家可以望吓下面張相, 這個是起點

亦同時係ANSON的終點, 因為當比賽時間完結, ANSON一步都冇行過

唔知係唔係岩岩食飽, ANSON竟然坐咗係到發呆同玩地版

雖然有D失望, 不過都有D記念品當作安慰既

下次睇吓有冇機會再爬過啦

返到屋企獎勵一下ANSON, 比佢食咗幾啖雪條

食到個樣勁攪笑

食完之後, ANSON精力充沛, 開始施展運身解數

周圍爬爬爬, 攪攪陣, 足都足唔住

瘦身@ Angel Face

自從生左Anson之後個肚鬆晒,Patpat大晒...
都係時候要攪攪佢啦~
上個月見到Angel Face做推廣,一於走去試下!

第一次上到去先要填返d info,磅重,測脂,
了解下我想減d乜
分析下我係乜野類型既肥胖.
之後又會比d 飲食建議比我.

最後book埋做機既日子就走得.
原來做機只係10日裡面選3日做
每次去做1hours(做2樣野)
除了做機外,仲包10日瘦身食品(於第一次療程時取)
下星期一第一次做療程,好期待呢~~

10日減10吋  $988 (只限新客)
包左d乜呢??
-光波緊膚儀瘦身療程
-科技塑身療程
-去腫通淋巴療程
-推脂療程
-局部消脂療程
-抗氧排毒療程
-健康纖體粥
-荷葉草本茶
-排毒酵精

由於上個月係"唐安麒"既blog到join左Angel Fans Club
收到佢既SMS,順便去攞埋佢既welcome gift~

Anson的新髮型

點解Anson要剪新髮型呢??咪又係媽咪囉!
上星期日同我剪頭髮剪到勁樣衰,連老豆都睇唔過眼.
最後爸爸要執我媽咪既手尾... (剷短晒d頭髮去)

不過依家d頭髮少左咁多,又無咁熱而且無乜點R面面了!

本來買左頂帽比Anson,點知佢唔鍾意帶帽.



依家9個月既Anson

食野方面: Very Good! 2餐粥+3餐奶+大量小食
小食有: BB餅,麵包,生果,腸粉,菜心.....另加公公婆婆成日係我唔知既情況下比左好多野比Anson食.
eg) 豆漿,維他奶,雪糕,雪條,雪糕筒,低糖維他奶... (全部都係比幾啖姐)(應該仲有好多佢食過我都唔知)
食過一次既野就記得,下次再見個樣食物就會扭食!

活動方面: 周圍爬無時停,去到d枱椅就自己扶住要企起身
唔like坐學行車(只限有野食時先坐,食完又要人抱)
落街行成日去"撩人" (人地撩佢,佢又怕羞喎)但又唔like講野喎,又未識講單字...

皮膚方面: 手腳已經無"鞋十十",但係面面都係成日R &有d紅
有可能有某些東西令佢敏感,我地又唔知.(之前食過一次魚粥,都有少少敏感,已經無再比佢食,等佢大d再試)

訓覺方面: 非常飄忽.
午睡: 30mins-1.5hours不等,有時仲成個下午都唔訓添
晚上: 9:00pm-10:30pm就訓(通常9:00pm食奶)
到朝早4:30am就叫食奶,食完訓到7:30am就起身!

9個月@樣衰look

9個月了~~
又係時候報告下Anson發展情況!

食野方面: Very Good!去酒樓食包,所有白色部份既包都會比Anson食晒.
自己食過一次既野就記得,下次再見個樣食物就會扭食!
見到低糖維他奶就知佢有份(公公婆婆飲又會比2啖佢飲)
活動方面: 周圍爬無時停,去到d枱椅就自己扶住要企起身
落街行成日去"撩人" (人地撩佢,佢又怕羞喎)只係成日係到叫,又未識講單字...

皮膚方面: 手腳已經無"鞋十十",但係面面都係成日R &有d紅
有可能有某些東西令佢敏感,我地又唔知.(之前食過一次魚粥,都有少少敏感,已經無再比佢食,等佢大d再試)

Anson媽媽成日見Anson R面面(近耳仔位)又周身郁出晒汗!

於是就上星期日同佢剪頭髮.....
點知剪完高脂一見到Anson就話佢勁樣衰.
仲話Anson似"阿金正傳"個主角添

高脂仲話Anson咁樣衰,唔會同佢影相&出街呀

下面既髮型已經比公公改良左嫁(希望Anson快d生返d頭髮就好啦)

Anson雖然媽咪同你剪左個樣衰頭,
但係你係媽咪心目中都係咁可愛嫁

左撇子??

由於小老婆返工要2邊走,做到頭都痛埋
所以最近寫blog重任都交左比高脂!
雖然工作忙碌但係成日係機場返工
日日都係婆婆屋企訓,日日都見到Anson...Yeah~~
明日就有新人返工,希望佢做得長啦!

最近發現左Anson好多時攞玩具都係用左手取先.
唔通佢係左撇子??到時教寫字咪好麻煩??

Anson一扭計個樣我覺得好攪笑呢~
仲要見到佢個2隻牙仔嫁!

anson學新野

anson就嚟9個月啦,爬爬,坐坐,企企等動作對anson嚟講已經冇難度

又係時間學新野,但今次唔再靠anson自己努力學習

要同anson一齊訓練, 不過anson一陣就學識囉

不過試得幾次anson有d唔耐煩, 呼籲一下就算

至於學咩哩? 睇吓下面條片啦



遲d會繼續教其他動作, 例如byebye, 飛吻等等.....