輕鐵之 驚.人.事.

今日放工如常坐輕鐵, 如常地冇位坐 咁就搵個車尾的好位企下啦!
後生仔冇所謂啦! 點知側面企左個道友係到, 個道友仲坐左係車尾高出的位置上
正常係不能坐的, 因為設計係斜左, 防止人坐上去, 好多小朋友貪玩先會坐下, 不過
不出兩個站就會跌反落黎, 但係這個道友真神奇, 冇跌之餘仲開始訓著, 真係要黎個
熱烈拍掌俾佢 見佢過一個站冇事, 再過一個站又冇事, 再過多個站大件事啦
但係大件事係發生係我身上, 佢個頭....... 應該講佢個死人頭開始側過黎, 仲越跌越低,
越來越近我, 我就越來越癡近玻璃, 心諗佢個死人頭殺到黎啦喎! 走好唔走好呢? 神... 一定
係這個時候聽到我的呼叫, 個男人自動起左身仲落埋車, so good

但係驚嚇事又可只咁簡單啊!  跟住企係我側面個人都唔知男定女啦, 只知身材瘦削, 企都好
似企得唔係好隱咁, 本來都冇咩事, 跟住我聞到d橙味, 原來側面位人兄食橙, 不過佢d食橙方法
真係嚇死人佢竟然唔"去"皮成個連皮咬, 跟住我就望住佢究竟d皮佢會唔會食埋呢? 完來佢都會
吐番d橙皮出, 之不過佢係吐反落個載住d未食的橙個袋到, 睇到我眼都突埋 跟住發覺有個師奶都望住佢, 驚嚇之表情跟我一無一樣 之後佢越食越起勁, 橙汁橫飛, 所以我被迫再一次與玻璃襯熱, 直到佢食完個橙為止, 係唔係好驚呢??  跟住我再望下佢, 發覺係佢隻帶滿黑邊的手指正滴咁橙汁, 佢開始想搵野抹, 今次我諗都唔駛諗, 即時彈開兩步, 幾驚佢就咁彈過黎, 佢最後搵左條褲黎抹, oh shit! 跟住咁勁, 左手一野拉開風褸拉鍊, 右手即時拿高條衫, 做咩......用黎抹嘴囉, wo..咁都唔只啊!  最吹帳的係佢最後拿包紙巾出黎抹手, 幾好野啊! 睇見個師奶好似定左格咁望住條友,有位都唔識坐
今日証明左我同神唔係咁friend, 同一日按排兩個奇人係我身邊出現, 神...我寬恕您,
最緊要保佑我明天中六合彩, 我要頭獎喎