牙刷事件----嬲

昨日我返左入東涌,夜晚返到屋企訓前咪去嗽口囉!
入到廁所發覺我個杯唔係放我支牙刷而係有2支不知明牙刷係到,
而我見有一支好似係我的牙刷係另一個杯到.
(我已經心想支牙刷有無人用過嫁,無人用過我都唔夠擔再用啦!)
我唔理啦嗽口先啦!當我倒D水落隻杯到時,
就見到隻杯有好多黑黑灰灰的物體係隻杯到浮下浮下...

(朝早用時無的)

我返入房後就同Anthony講: 我唔見左隻牙刷.
之後Anthony話: 又佢先啦!明日先算,現在個個都訓晒覺,唔通要我現在拍門問邊個用左你支牙刷咩??其實如果之前有睇開個Blog都知我之前對佢家人都有D不滿!
現在積落積落,又覺得無人幫又無人理,我就忍唔住哭起來!

而且Anthony仲叫我唔好成日發埋D小姐脾氣,叫我忍下...
如果我接受到的我都會忍囉!但係事事都叫我忍左佢算數我真係做唔到囉!
(如果有人遇到Lee D情況都忍到的,唔該留言呀!)
到今朝Anthony去完廁所同我講 : 你支牙刷乜野色嫁?我話 : 好似係紫色.Anthony話 : 我見有支粉紅色的牙刷在地下但就好污穢的,
我懷疑我阿媽唔見左支牙刷,見到有牙刷就用左.我當堂無左反應!!(我想佢阿媽老花睇唔到吧??)
為有今日去買過支牙刷. 話比你地知呀!我放工回家後見到有一支"飛nut毛"牙刷又係我個嗽口杯到出現...

(點解?!)

P.S. 今日公司有個新同事(老闆娘個妹)返工,但最好笑係我地公司已經有成5個同事打單.而個新同事返到來係無野做!現在老闆娘個阿姐同阿妹都係到做....唉!好快我地都唔洗做啦!!

仲有2日就結婚啦~

昨日搬晒D野去我男友家(包括陪我一起訓的大熊人仔)

到我回家後訓覺時,發覺無左大熊人陪我訓....突然間覺得好寂寞呢

今日一早就去左做facial,脫背部的毛 (但依家個背部不知是否敏感,有D癢呢)
 (而做Facial的人都好好,知道我結婚了,免費同我做左D靚靚拍甲)
Show D指甲比各位睇睇先:

做完Facial後,出發去佐敦攞婚紗晚裝...
我一共租左10件衫 (褂 : 1 , 婚紗 : 2 , 晚裝 : 3 , 姊妹衫 : 2, 媽咪衫 : 2)
租衫店共比左4個行李箱我地....好在有伴娘幫手攞上車,如果唔係都唔知點算
(伴娘仲送左條靚靚頸鏈比我,好多謝你呀)

祝各位聖誕快樂!!

搬屋了....好累!

終於要搬晒自己D野去我男友家啦
都用左成2晚執野.....原來我自己有成4個"紅白藍"膠袋同4個膠箱
等我報告下有D乜野啦:
2個"紅白藍"膠袋 : 衫,褲,裙,襪
1個"紅白藍"膠袋 : 鞋
1個"紅白藍"膠袋 : 雜物
2個膠箱 : 毛公仔
1個膠箱 : 書
1個膠箱 : 袋
(其實都有D唔捨得搬,又要去適應一個新環境而且又要同男友家人住)
我之後book左"雞記"送晒D野去屯門(男友家)
我男友的家人見到我執咁多野去佢地到都覺得好恐怖!
將D衫,褲,裙,襪放晒落櫃先 (結婚後先慢慢執,諗起都驚呀!)

有個同事前2日比左D靚靚絲花比我,但因D花下面的膠比較滑所以攪左好久先做好1支呢!
(這隻手係我brother嫁!!)

收到好多禮物

今日收到同事送的結婚禮物 (係相架黎嫁)
因今日冬至我男友早收工(我無得早收呀~)，佢黎接我收工，出到去見到佢又一袋二袋，
原來是佢公司D同事送左D禮物比佢 (係香檳杯黎）
真係多謝晒各位~~
另今日去了我男友家食飯，影返D床同櫃的相，但因間房好細，放左張大床同櫃之後，
落床只需行二步就去到門口啦!!! (電腦側邊就係門口了)
(但有一個好處就係一邊係房上網，一邊可以將個頭伸去客廳到睇電視！哈哈）
比多次D相各位睇睇先 :

開場DVD

星期六晚入左元朗食飯,見到好大隻的企鵝係百老匯門口(立即同佢影返張相先

)

食完飯又行左去元朗IT個邊睇衫,之後去左間 "ANS"的鋪頭睇中左個粉紅色毛毛袋
點知我男友話我用粉紅色一定幾個月後就會變左黑色!!所以最後買左個綠色毛毛袋
(不過都好靚)
星期日就去左酒樓取DVD(酒樓隻DVD又ok喎..

但轉相時就比較簡單!)

現努力由VOB檔轉緊做AVI,希望可放到酒樓個DVD File上網
之後再殺入金都買利是封,車的佈置,取襟花.....
返到屋企就落街做facial,facial姐姐同D同事好好人呀~免費幫我修甲,
(仲要一個幫我做緊facial,另一個就幫我修甲) 自己都覺得自己成個少奶奶咁呀~~
佢地仲話24/12有時間同我油甲同加閃石 (當然是免費啦~佢地話見我結婚呀嘛

)

剛剛轉好左酒樓個DVD,希望uplod到比各位睇啦:
(而我男友個隻dvd要做後期修改,Later先放上來....我男友個隻做得靚D嫁!!)

wedding DVD (free prodct by King Group)
 http://hk.video.yahoo.com/video/play?vid=4bfb3243be630b01423a9439c4a623a0.1451457

第二次試造型

今日一早就派左D"紅炸彈"比D同事
唉....上星期老闆娘對唔切個同事D單,之後比晒我對!好啦,星期六已經對晒1/11-1711,
今日又比18/11-30/11D單我!!! (唔係呀!自己D野都做唔晒又不斷比野人做,個同事又比佢炒左做到
12月尾,唔洗講D野又係我跟嫁啦~~)
我唔理啦!!我最多做到7:00pm,做唔晒就算!
下午我請左半日假,約左化妝師試第二次造型(全部用真髮嫁....)
有2個髮型我都覺得幾得意 (化妝師話結婚個日會6:00am到酒店嫁啦)
試完造型又去左千色店同吉之島買了D禮物,之後去左元氣食壽司仲送左把扇比我地呢!!

超忙

今日超忙呀!!放左工攞左張龍鳳被去Anthony家,
Ahthony將佢做左的片頭部份比我睇,我睇左都覺得幾正(唔錯!唔錯!)

之後又要出旺角買茶壺茶杯,男女上頭用品,睡衣,對聯,車頭公仔......
明日就同D姊妹食飯啦~~(好緊張呢!)

好多野攪呀.....(小心!!!內有艷照)

今日去左香港中文大學考普通話,去到時見到2個之前同我一齊讀普通話的同學仔(勁開心呀!!)
估唔到會見到佢地嘛!!之後去到等到5點就入去考試啦......但去到都唔係坐到full晒,
有D位有人有D位都無人坐
考試分左4 part(當然是有D識有D唔識啦!!)
6點考完試走返去荃灣吉之島睇床褥(因1-3/12有J-Card額外再有9折),
我男友睇中左雅方婷的床褥而且亦同個sales開左單嫁啦!!
去到比$之後又話要用佢個隻credit card / EPS / Cash先有特價再9折,如果唔係一係做分期.
好啦...咁無法啦!咪去做分期啦!!!又攪一大倫野...又準備去比$$.
點知行到去.我男友睇下睇下發覺張床褥係比平時個D厚好多.....咪叫個Sale度下.
原本成9.5"厚!!好在未比$因張床褥一定頂住我個床頭櫃  (我床頭櫃開得嫁嘛)
最後都係同個sales講取消張單 (又運左人桔添!!)
又要再找過D床褥.......

最近消息!最近消息!剛剛收到相!!!!
我男友在10月時做伴郎接新娘時玩遊戲的相片 (睇完笑到我呀.....)

(1. 我幾勁,有人幫我穿內衣呀~~)

(2.我係唔係好性感呢??唔好笑呀...)


(3.  E~~原來仲有其他靚女喎!!!唔好走呀....)