黏土朱古力

今次係花老師到學左"黏土朱古力"
係唔係好似真既一樣呢??(白色少左一粒係因為未乾無放上去)
希望高脂BB出左世見到唔好攞來食就好了!
不過要等到生完BB之後先可以繼續學了.

今日去左睇"殺神特工"套戲就OK啦!
不過個故仔睇完都唔知佢想講乜
好在睇戲前同左高脂BB講左,睇戲會好嘈嫁,
叫左佢唔洗驚!所以佢都係間唔中先郁咋.
我就可以好舒服咁睇lee套戲.

再來鈴蘭

見有幾日假期就將d加左白色既麵粉清左佢.
費事later麵粉乾晒又用唔到!

做好晒D花就同老公去左$10店買左2個盆放花(白色個個係我揀,另一個係我老公揀嫁~)

最後做多2盆"鈴蘭"
不過我覺得都係無係花老師到做個D咁靚呢!

鈴蘭(完成品)

好開心呀~~之前學既"鈴蘭"完成左啦!!
真係要多謝我既老師"花師奶"既教導.

鈴蘭(進行中)

上星期五同左個同事去左屯門(跟blog友---花師奶)

學做麵粉花!! 花師奶做D花真係好靚嫁,同真既一樣!


我要求學D又易又靚既花,所以就學做"鈴蘭"


星期二開始我未必有時間做花,上星期六日我都好努力係屋企趕工呢~

葡萄風信子

自從小老婆有左BB之後,都忙於休息無再返學!


見最近精神好D,於是買左本做麵粉花既書

自己試下做啦~~ (雖然做得唔靚)


葡萄風信子

唔靚既迷你桔

小老婆雖然病左,不過都好努力做左盆迷你桔

但係做完之後小老婆覺得盆桔唔靚有好多問題

1)葉少同厚 (係因為小老婆懶無做葉)


2)應該上窄下闊,不過做極都做唔到

不過算啦!!高脂話盆桔都ok!下次得閒先再做過.

趕工完成的蕙蘭

小老婆最近比較懶惰,本身要做"蝴蝶蘭"


不過做左之後唔靚所以無插到落盆到.

昨日剛剛學完"蕙蘭",今日終於趕工做好左

其實我做左2隻色,不過插唔晒 (lee枝蕙蘭晒左)

不過做左出來小老婆都係鍾意黃色多D!
而真花小老婆鍾意粉紅多D
(我結婚時個花球都係粉紅色蕙蘭嫁)


不經不覺已經上晒2個迷你麵粉花---蘭花既course

08年01月開始我又學做金魚,好期待呀

唔靚既拖鞋蘭

今次做既係"拖鞋蘭"

不過我自己就覺得唔個花唔靚,無乜心機做.

只好等今個星期比心機做蝴蝶蘭啦!

蟹爪蘭

今日終於做好左2盆"蟹爪蘭"~~
好開心呀!!

大個盆我既,細個盆比我阿媽!
依家做花都會做多盆比我阿媽,遲D實比佢罵
: "唔好再比我呀!屋企無位放我D花啦!!"

送給同事的麵粉花

上星期有時間做左D麵粉花.

total做左2盆石斛蘭,1盆加多利亞蘭,最後送左其中2盆比我阿媽!

而之前D同事個個都話想要麵粉花,見今個星期有時間就做左少少...

不過得2盆較剪蘭唔夠分呢!其他同事要再慢慢等下先啦!粉紅色較剪蘭個盆係得半邊,所以後面係加左磁石嫁~
希望收到既同事會鍾意啦

日後有時間希望可以做多些送比各位朋友呢!!

我會努力

加油!!努力!!

開心與不開心

開心o既係終於學晒麵粉花---蘭花初班
做好左---加多利亞蘭,見仲有D時間同我盆"較剪蘭"加工下先

唔開心o既係 (都好長篇下)

人物介紹 :
W-老闆娘 , 大C小姐-老闆家姐, J小姐-老闆娘細妹
E小姐-會計同事  細C小姐-大肚同事  H小姐-打單同事
V小姐-新打單同事   A小姐-當然係我啦~

話說8月尾時,老闆娘開會話"細C"12月要生仔!
要重新分配過d工作....

結果,我有1/4的單比左新同事,
我打開的大陸單比E小姐(真係慘...會計都要打單)
仲有1隻簡單的單就比左"H小姐"打

"細C"就將全部單(除了其中一間公司比左"J小姐")
其他比左我跟!

而"J小姐"打開某一間公司o既單,成日都話難打,
又打錯晒! 老闆娘話間o個間公司d單複雜,叫我跟喎!
(我心諗: 複雜個d就叫我跟,EASY個d就自己打)
最嬲就係"J小姐"比d單我同我講: "我對你唔住呀!我8月一張單都未打過..."
我當時勁嬲XYZ
佢呀!不過我無理佢無同佢講野!
(之後J小姐比左D單我,講都唔講返比我知加左D乜野新野.)
may be人地覺得我唔明會自己走去問佢掛...

我返到去同我老公講.我老公話 : 無計啦!人地係王親國戚來嫁!


依傢要追返"J小姐"d單,攪到我做唔晒d野
!

今日放工前比C小姐人叫左入房傾野...
仲問我D單野成點!但當我同C小姐講我打跟J小姐8月D單,佢好驚訝囉!
原來J小姐話比C小姐知8月D單佢自己跟左9月個D單至比我跟!

真係唔公平呀!做到野o既人就做死,做唔到野o既人就舒舒服服唔洗做.