扭耳仔

上星期公公話我地知原來ANSON曳時會叫ANSON扭耳仔
PAPA知道後就迫ANSON扭耳仔(當時ANSON無曳曳的)


而且anson已經識叫全屋人了~

美素佳兒分享會

星期日Anson Papa留左係屋企湊anson
而Mama就去左參加由"美素佳兒"舉辦----
腸道健康對提升嬰幼兒免疫力的重要性分享會

時間: 14:00-15:30
地點: 金鍾
嘉賓: 兒科醫生柯華強醫生+營養師詹兆洲先生主講

其實產前/產後既講座就真係聽得多!
反而到BB大左既講座真係少之又少會有,
而anson mama亦都想了解下腸道健康同提升幼兒免疫力有d乜野密切既關係呢??

Mama準時14:00pm到達,其實主舉單位都有提到我可以帶埋小朋友出席的.
不過Mama一想到要anson坐定定成個半鐘一定無可能
而且唔想anson到時周圍影響到其他人呢.!
所以先決定唔帶anson來...點知去到見大部分mama都有帶埋小朋友來呢.
而有d mama仲係識得既!

Mama聽講座既時候老爺奶奶就同anson Papa一齊係屋企走了!
Anson Papa就同Anson一齊坐車返婆婆屋企

講座開始了!Papa,Mama們都好留心聽嘉賓講解
1)免疫力同幼兒健康有乜野關係?2)吸收得好先有好既免疫力嘛!咁點樣先有健康腸道呢?
3)益生菌既種類同免疫力既關係
4)現時奶粉既營養同成份.......等等

而美素佳兒既最新配方 P2 System 除左有齊BB日常所需要既營養外仲加

有益生菌同益生纖維係有助強化腸道,吸收得好d,身體免疫力就更加好啦~

雖然anson都食得好訓得好,身體都好健康
不過有機會anson mama都想比anson試下隻奶粉呢!

而且Q & A時間嘉賓都好詳細地解答Mama們既問題呢~

中段時間主辦單位亦都準備左飲品同茶點比Papa,Mama&小朋友們
真係very good呀!!美中不足係小朋友周圍走有部分mama要照顧佢地
只能由Papa聽講座呢!

聽完講座Papa,Mama們交流左一陣,就離開了!
有份參加今次既分享會真係好開心呢!

如果下次再有機會一定再同大家分享!

親子裝返playgroup

又到星期六了~anson依家知道星期六Mama放工就會接佢去playgroup
所以就算好眼訓都唔訓,係都要等mama返來!

上年買左既親子裝今年anson終於啱着了~
於是mama同anson就穿着親子裝返playgroup!!

小新Mama一家上星期去完台灣旅行

(好羨慕呢~唔知我地幾時先可以去旅行呢?)
返到playgroup就收到小新Mama送既手信 (鐵蛋+掛飾)
多謝小新Mama~~

今堂本身係Anson Papa同Anson上堂,
點知上上下anson見到Mama係門口睇佢
anson又要Mama入去同佢上堂...

今堂Teacher教 Big, Small & Tiny...

上完堂!食茶點時間又到,anson食完茶點去玩吹波波

放學返到屋企anson發覺屋企換左新地墊,
唔知點解係張地墊到走來走去已經好興奮??

新波鞋+大地墊

上星期見anson行行下街停左係到摸住隻腳,之後發展唔知係唔係對
波鞋太勁而anson隻腳又厚隻腳面紅晒了!

於是Papa,Mama就行去睇下d小朋友波鞋啦!
睇左幾間運動鋪都睇唔啱!最後去到一間童裝鞋店見到對nike波鞋
係好多blog友都話好輕同軟身.
而Papa亦都覺得幾好,買左比anson$279(blue)

Anson穿左即刻見步如飛...

今日係nike outlet買多對大d既$199 (red) !!
Mama見咁平就買定大一個碼比anson啦!
只係唔同色點解價錢可以差咁遠??

屋企之前用開既ABC墊比Mama換左d厚既大地墊
由於有時唔比anson穿片片每次賴尿都要抺地...
如果洗ABC墊真係有排洗呀!之後決定上網買過d大地墊
都唔平呀成$40/塊,不過真係好厚身跌落地都唔會痛呀~

N1普通話唱遊班 round 2

今個星期anson 又要上普通話唱遊班

不過今次由papa自己帶anson上堂

去到幼稚園門口, 因為時間尚早要係門口等miss 帶入課室

miss 一出現, anson竟然帶頭跟住miss 行入課室

之後miss就叫小朋友坐定定玩吓玩具先, anson此刻仍算合作

之後就排排坐, 開始聽miss上堂, 7個小朋友中, 有6個肯坐定定

平日冇時停的anson竟然係其中一個

今堂係教colour, anson 基本上只得小量顏色的概念

仲要佢用普通話講出嚟, 全場最細既anson完全冇可能做到囉

基本上年齡較大的小朋友都係講唔出~

唔知miss有冇諗過依個問題哩

之後玩咗小小mini game同跳舞唱歌, 今次係唱"我是茶壺"

第一次聽, 個個小朋友都冇咩反應~

miss為有再播多次, 今次開始有d小朋友跳吓啦

點知miss又再播多次喎, anson已經不耐煩咁走開咗去玩玩具

如是者, miss最後一共播咗5次~ 真係閒水閒力

最後食茶點, 上次mama上堂anson飲完水之後玩噴泉咁吐返d水出嚟

所以papa早有準備拎張紙巾出嚟兜住

不出所料, anson真係噴番出嚟

點知miss知道anson有前科, 即時拎出比我多10倍的紙巾出嚟兜住

最後食完茶點就放學囉, 仲派埋校服添

今堂只得7個小朋友上堂, 比上次小, 不過因為都好有好多家長,

環境都算幾迫

另外可能小朋友都比較大, 沒有好似上playgroup時咁, 有d小朋友會喊

而今次幼稚園俾我的感覺係準備不足

有咩理由要個2歲小朋友用普通話講顏色架

有咩理由要聽5次 "我是茶壺" 架

希望今次可能係預備堂的關係先咁差啦

anson papa上完唱遊班收到校服就同anson試了!
不過只係試左衫無試到褲囉!

22 May Playgroup

星期六又係時候返playgroup啦!

上星期Papa要返工得mama一個帶anson返學.

次次papa都話mama同anson上堂好似d野幾好玩咁.
反而到papa同anson上堂時就有d悶喎!

好啦!今日上堂既節目都幾豐富嫁.
先來玩下波波先.

之後就要行石春路(anson行左2步就走人)

再跟住去跳彈床(anson勁like唔肯走)
連lee其他野都唔玩添!

玩完teacher又放TV講今日野主題---小丑
之後teacher又攞個小丑出來教d小朋友
攞波波拋向小丑將小丑d牙撞"nut"
但anson只係將d波波放入小丑個口到餵佢食囉.

星期日anson一早又去左飲茶papa仲買左對新鞋比佢添.

依家仲好鐘意讀書書.

N1普通話唱遊班

Anson間N1係開學前攪左個普通話/英文唱遊班
主要係比小朋友返學前去下學校等佢地對學校環境有個印象
而且亦都比家長了解下佢地返學時係點既!

由於Mama假期不多,而且普通話係星期一上就比較方便
帶佢回婆婆家,所以Mama只係報左上普通話唱遊班
唱遊班方面共上2堂(第1堂由Mama上,第2堂(下星期)就由Papa上)

一入到學校Anson都有d驚驚地,不過玩左一陣玩具,熱下身就好d了

之後老師就同小朋友唱歌跳舞(其實都有d似上playgroup咁)
不過都有d小朋友係上上下周圍走的!(anosn都係其中之一)
而Mama亦明白返n1都係主要學自理方面既野,所以都唔會有太大要求
只要小朋友返學開心就ok了!

之後就去廁所洗手食荼點囉!
(估唔到幼稚園既廁所勁大,只係男廁都有一個課室咁大)

雖然今次上既唱遊班唔係個個小朋友都有參加
不過見到有d都好乖同聽話!咁當然有d又好惡好曳
希望anson返學時唔會比人蝦啦.

走時學校仲送左D禮物比小朋友添!

回到婆婆家,婆婆問anson: "掛唔掛住婆婆?"
anson即刻點點頭,婆婆勁開心囉!仲買左幾條褲仔比anson
for佢賴尿時係屋企換的!($8/條咋)