間學校好近係屋企下面,好方便.
雖然N1得半日班,但升到K1可要求轉返全日呢!
N1學費$1610/月
書簿費$2200/年(分上,下學期交) 都幾貴呢!
本身5/10開始交表,交表時就已經約我地10/10 INTERVIEW呢!
一去到學校就入左去約見室interview
入面有好多玩具嫁!
Anson都有少少驚但無喊到.
interview anson個老師就話anson都好細個喎.
(不過個miss話anson之前個個BB仲細個喎...)
Miss比左d隻假蕉anson,叫佢比papa,mama佢又唔比...死都要比返miss.
Miss比d假apple,orange佢又唔要.
Miss再比其他玩具佢玩下咁!
Miss問: 小朋友識唔識自己叫去廁所?
我答: 佢未識,不過朝朝都有比痰罐佢都肯去囉.Miss問: 小朋友識講乜野?我答: 識講papa,mama,最叻叫mum mum.不久anson就係咁對住d假生果講mum mum了.
之後anson要落地papa就同佢落地下玩波波.
Miss就同mama講下學校既野.
(逢星期一有30mins普通話堂,星期三,四有30mins英文堂)
仲問mama會唔會係到讀K1,
mama話會讀,而且想到時想轉全日呢.
Miss又問mama N1想讀上午/下午??
mama就話上午.
就係咁個Miss話依家留左個上午班既位比anson
10月尾會收到信交註冊費.
走時個MISS仲送左個玩具同棉花糖比ANSON呢!
另外學校24/10仲有open day,到時可以去參觀呢~
不過由於個日mama要返工,到時會由婆婆+papa+爺爺麻麻
同anson去學校參觀下先.
由於今日interview都無同anson影相,希望到open day
個日anson papa可以影多d相post比大家睇啦~
(P.S.其實interview過程都係傾下計無乜點考小朋友.
主要問下小朋友日常生活既野.
有可能學校interview時都知anson依家先1歲,
所以都無要求佢咁多吧!
我想如果係到18個月先interview就會考小朋友多d野呢)
