又睇演唱會

睇完謝安琪冇幾耐又去睇演唱會啦

今次係聽方大同 & 張敬軒 拉闊音樂會

今次又好彩咁換到第一行, 不過只係中間區域的第一行

最前的vip區要有白金卡先有得換飛, 無奈啊

今次的音樂會完全音樂行先, 完全無dancer, 服裝

舞台亦簡單不過, band反而有兩隊

成個音樂會分3 PART

第1 PART係UNPLUGGED MUSIC

老實講好悶, 好彩得3隻歌, 當WARMUP啦

第2 PART係BIG BAND JAZZ

亦都係第一隊BAND出場, 全外國人組成

方大同D歌完全MATCH用JAZZ嚟唱, 勁正

反而張敬軒搵隻唔知咩歌嚟改成JAZZ, 九唔答八咁

不過張敬軒D唱工開始出嚟, 勁到無話可說

相信係香港歌星中鬥高音的話, 佢應該SURE WIN

不過大家注意, 高音並唔代表一定好聽

我個人嚟講, 只係一般鐘意佢把聲

嚟到這PART D人已經企哂起身

心諗咁早企起身, 幾時先企到完場啊

第3 PART 變番FULL BAND

隊BAND除咗個PIANO之外, 全部換哂人, 真係估佢唔到

雖然係FULL BAND但係方大同D歌仍然都係重新編過哂

由其是隻LOVE SONG , 竟然可以變咗ROCK 版

張敬軒D歌就用番CD的編曲 , 但唱法絕對係SHOW QALI的唱法

拉咪拉到好似肥媽咁, 又拉長尾音十幾廿秒, 真係拍欄手掌 

其實佢地唱咗好小自己的歌, 差不多一半係唱英文歌同其他人的歌

去到最尾仲拉咗幾個觀眾上台唱歌添

個幾個觀眾分別係王宛之, 張繼聰, 謝安琪, 余廸偉(商台DJ)

總括嚟講, GOOD SHOW

希望商台繼續做多D拉闊音樂會啦, 今年做得2場拉闊咋!

因應要求, 同場加影ANSON最新照片一張

近排好小ANSON的相係因為ANSON的動作越來越快

對到焦影到佢的機會越來越細, 已經出動連拍都唔可以成功影到

睇嚟都係時間換相機啦 老婆

唔做飛車手!!

早排見好多bb都開始用學行車做飛車手

不過老婆同我都冇決定買番部俾anson玩

一來d人話用學行車對日後bb發展唔好喎

二來都肯定anson得3分鐘熱度, 坐一陣就唔肯坐, 冇謂哂錢

點知有親戚話有架學行車冇用喎! 所以就比咗anson啦!

初時都以為冇時停的anson一坐上去就周圍沖, 點知又唔係喎

anson竟然好有目標咁進發喎, 算係行得幾好啦

不過就俾我地估中咗, anson玩唔夠5分鐘就要離開學行車

搵人抱抱

爬爬爬完成版

雖然小老婆最近日日返機場返9:00am放9:00pm

但係好在係婆婆屋企訓,朝朝都見到anson

anson日日無時停睇少陣都唔得

依家都爬得唔錯,但係久唔久都會將個頭撞到個地下,

攪到個頭成日都瘀左嫁!!

(Anson今次爬去既目標係想攞利賓立)


另外有個親戚有部學行車唔用,比左anson用呢!
Anson又加入飛車行列啦!
下次先影比大家睇呀.

HGC BROADBAND ~ 史上最差的broadband

記得第一次用寬頻係用i-cable, 股務都出名差架啦

點知轉咗和記, 仲可以比佢差多好幾倍

所以新屋已經堅決不再用和記轉做hkbn, 以為一切惡夢可以完結

點知和記仍然冤魂不息, 死之不去

岩岩收信用卡月結單, 竟然見到死去多時的和記扣咗我$500

即核打電話去求過夠竟, 點解死咗都仲唔肯放過我

答案係會計部尋錯仇, 扣錯我$500, 咁都唔算離譜

最離譜的係話俾我聽, 要4-6個星期先同我計番條數

仲要唔係俾番錢我, 只係放番入我個和記帳戶入面,

扣下次的服務費, 真係火都嚟埋

大佬, 我已經冇用和記啦喎, 點比你扣啊

之後過CS仲要話係公司政策, 都幫你唔到退番錢

真係勁想爆操

最後搵嚟懷疑假SUPERVISOR

講咗一輪先至肯退番支票出嚟, 仲要唔知幾時退喎

不過都算啦, 再講落去我應該會爆血管

我決定都係搵電訊管理局幫幫手

各位真係唔好用和記, 包你後悔

之前試過壞兩次MODEM, 約咗的師傅兩次都係放飛機

仲要兩次都話上過嚟係你屋企冇人啫!! 藉口都費是搵多個比你

又試過免月費的月份要我交月費, 打電話去先肯改番張帳單

我都唔明點解D SERVICE差到咁都仲咁多人用?

kay's 吶喊

岩岩謝安琪開完演唱會, 我同老婆就睇咗最尾個場

我班frined之前都睇咗, 個個都話好悶

但我睇完之後又覺得好OK喎

老實講如果用香港演唱會的標準真係輸9條街

小DANCER, 小舞台效果, KAY D衫又一D都唔靚

咁係唔係代表唔好睇哩? 我覺得唔係囉!

KAY把聲唱LIVE真係好得, 人地通常稱讚D哥手唱LIVE唱到好似CD咁

我就覺得如果真係唱到CD咁, 我點解要去聽演唱會啊?買隻CD得啦!!

KAY係唱到CD以外的感覺, 有D歌又重新編過另唱LIVE更加有氣勢

加上佢D好歌真係多到今次演唱會唱都仲未唱得哂

所以就憑唱歌已經帶到氣氛出嚟

好過唔小又勁多DANCER, 勁多舞台效果過D演唱會

再講嘉賓真係不得了, 竟然係汪阿姐, 仲要穿住短牛仔褲唱熱咖啡

跳PART舞仲勁過KAY跳個PART, 不過更加估唔到既係

個個在場D人都HIGH爆, 效果出奇地好

起碼唔係去廁所位!!記得個時唔知睇邊個演唱會,

TWINS做嘉賓, 廁所多人到排隊啊

KAY唱高音真係要幾高有幾高, 不過完來低音會考起佢

又好幾首開頭低音既都唔係好得

D衫真係好老土, 這件算做好DD架啦

個台又真係咩都冇, 差D以為自己睇咁903拉闊音樂會的低成本制作

anson感冒@睇醫生

前晚回家婆婆話anson下午成日打乞嚏
又流鼻水,仲有幾聲咳添!

前晚anson仲成晚訓得唔好(有可以有鼻水塞住訓唔到)
於是叫婆婆一早帶anson去睇醫生
醫生話anson係感冒,仲話d鼻水無可能1日就突然流咁多
應該之前都有鼻水!
同佢探熱(耳探---37.3度)未有發燒!

醫生開左d藥比anson,希望anson快d好返啦~

由於Anson媽媽既公司有新工作
公司就派左Anson媽媽+另1個同事去機場個邊幫手(約一星期)
到時就有可能返工就係放工...唉!
(因之前Anson媽媽都試過幫公司做另1份新工作,
做到晚上12點都未收得工呢)

由於Anson媽媽比公司捉住開會成4:00pm先收工
夜晚又要睇演講會,所以無入去睇Anson
見仲有時間就走去灣仔Mattel睇下開倉有無野買先~
買左3件玩具都係$210 (上面個2件係Anson既,下面個件就送比人)
Anson依家已經有好多玩具...真辛福呢!

P.S.另外想問下各位媽媽,本身anson
食緊pigeon既2號奶咀,依家同佢轉3號奶咀
點知anson食唔到,都係要食返2號奶咀
唔知各位有無lee個情況呢??

護膚竹醋蒸餾液

之前咪成日話ANSON隻腳腳成日都"鞋十十"既.
上星期見有BK媽咪話買左支炭之源---
" 竹醋蒸餾液"對濕疹&皮膚敏感都得!
即刻放工走去買比ANSON試下先!

其實ANSON腳仔"鞋十十"既位得好少
只係成日都埋都到尾.
用左都有5日,發覺鞋既地方已經得返DD.
好得8899了~
所以想介紹比各位試下用!



我係同ANSON一日噴2次(早,晚)係隻腳到
另見ANSON R面,我就先噴落自己隻手,之後搽落佢塊面到!

BK媽咪用後報料: http://forum.baby-kingdom.com/viewthread.php?tid=2259945&extra=page%3D3

炭之源

護膚竹醋蒸餾液
．全天然配方
．平衡油脂分泌
．消毒殺菌
．止痕止癢
．改善濕疹
．改善皮膚質素
．褪減色班
．改善皮膚敏感
．驅蟲蟻



350ml HK$117 / 枝
180ml HK$78 / 枝
60ml HK$52 / 枝

使用護膚竹醋蒸餾液是沒有每天使用限定次數的，
因本產品不是藥物成份天然，只要使用者感到症狀發作或痕癢時便可使用。



訂購及查詢
電　　話：2576 7752
地　　址：香港．銅鑼灣．耀華街21號．華耀商業大廈．2樓205-6室
OR 北角新都城百貨
辦公時間：星期一至星期六（正午12時至晚上8時）逄星期日休息