濕疹?奶癬?

已經成2個星期Anson面仔雖然好左好多,但係2邊面同下巴

就紅紅地,甩皮同好乾好鞋咁!!

作為媽咪既我見到Anson面仔咁真係好緊張同唔開心


開左個朋友佢話佢個女都係咁,睇醫生就話係濕疹

而我有親戚個女都試過,不過就話係奶癬


為左Anson面仔...唔理啦乜都要試下!!

而 lee隻Rosebud salve玫瑰花蕾膏係萬能既,講到乜都得.

之前有左Anson已經買定左一罐比Anosn出世用

好!!等我試下係唔係咁勁先!!

購買地方 : http://www.littlebarefeet.com

每次Anosn食完奶,用凍滾水抺面,之後就搽"Rosebud salve玫瑰花蕾膏"

(每次搽完都油光滿面...睇吓)

下午就用"金銀花"做Mask

朝早,夜晚就用醫生開既lotion (熱痱水)

今朝見Anson面仔雖然都係有d乾但好似無咁紅又滑返d

而每次佢吸收左d Cream面仔仲好滑添!!

等我搽返一星期睇下好唔好先

家庭精選Blog

之前已經有BLOG友仔話比我知,我地又入左精選Blog

不過一直都找唔到係邊到...

直到今日先找到呢 !!

係家庭既分類就找到我地既Blog...

真係多謝各位支持高脂物體小老婆 Blog

http://hk.blog.yahoo.com/family/feature/blog_pick.php?page=2

高脂物體小老婆 Blog

高脂家庭除左有高脂物體同小老婆，仲啱啱多咗高脂ＢＢ添！

產後檢查

今日去左做產後檢查...去到健康院等左一陣
護士就叫左我入房問左一d問題,又量下血壓,磅重
我由生之後一直都無磅過重嫁,上磅個刻好緊張呢!!

上磅啦...44.6kgs (yeah!!同我未有bb減多1-2磅就得啦)
不過老公問我 : 點解你個肚腩仲咁大個??
之後就等醫生檢查,個醫生好熟手檢查時一d都唔痛.
但由於我未做得子宮頸既test,要later自己去私家到做了
返到屋企仲食左一伴壽司添!!

Anson面面既粒粒已經有成2星期了!!
都仲係"鞋"同唔滑,間唔中又起粒粒!!好唔開心呀
最後忍唔住同Anson搽了2日"和羅立英"好似滑返dd

之後用d凍滾水同Anson做下mask先~~等佢保下濕都好呀

 (不過anson唔多鍾意)

由於Anson BB勁肥佢又勁多粒粒,所以屋企人比左好多花名佢
婆婆: 嘩!Anson肥到見唔到條頸成個 "佛公仔"咁


舅父 : Anson好多粒粒...叫佢做 "粒粒B"啦!
我諗極都唔明
,我同高脂都唔大食,點解生左個大食BB出來
唔通佢係我個肚到無得食,出到來要食多d??
依家個半月食140ml (仲要好似食唔夠咁)
有時食完2-2.5hours已經喊
定要食奶奶(有時見佢之前個餐嘔得多奶都會早半個鍾比佢食)
當佢食飽飽佢又唔扭計嫁啦!!
Anson咁食法later要去減肥啦...

80% Dream home

新屋真係整得七七八八啦


今日送埋d家俬嚟囉! 都係幫襯番上次訂家俬間鋪

不過今次水準下降咗都唔小
可能今次的家俬覆雜咗有關啦

不過總括嚟講都可以接受既


好 ! 帶大家遊個圈先

先係客廳的電視櫃, 同我心目中的一樣 perfect

這個櫃係為小老婆以設的飾物櫃, 不過都驚唔夠位擺佢d真藏

本來好擔心電視櫃同梳化距離太短, 以家唔駛擔心囉  夠哂位

而梳化的後面係一個地抬, 主要係用嚟放鞋的

之後會放上好多cusion 或者公仔, 變為一個小天地
盡頭係電腦抬

之後去到主人房係全白的地台床同大大衣櫃

下面張圖又係為小老婆而設的梳妝抬, 入面有好多格格放佢d寶物

不過個櫃設計錯誤, 因為太長太重, 未能借床頭板的力承托住

最後師傅話幫我整多條野頂住個櫃, 以家用d杯頂住先

順帶一提anson bb間房係未整既, 因為短期內佢都唔會反嚟住

以家仲欠燈/餐抬同電視再搬埋d野就住得啦


所以暫時決定11月8號入伙

11月15-16日 會招待親朋好友, 到時anson bb都會嚟同大家玩架


想嚟既朋友就報名啦, 我遲d就會call 大家架啦

個半月的Anson

經過一星期努力抺面面&搽Cream

Anson佢已經好左好多,左邊面開始滑返d

但係右邊面都仲係紅紅地同"鞋鞋地"

(唔知係唔係佢多數嘔奶
係lee邊所以好得慢d??)

最近Anosn仲開始自己自言自語(訓覺有時都會)

仲玩口水同伸"利"添


不過佢有個習慣就係自己眼訓時死都要食左奶先訓

昨晚又係明明8:00pm先食完奶(140ml),之後10:00pm又扭食

好啦!!食左奶又唔訓(不過無扭計)滾到成11:00pm多d先訓!!

真係比佢激死呀!!