再戰黃金!

星期六回到婆婆家anson訓左,婆婆話anson又攪攪震.
婆婆只係傾左一陣Tel就攪成咁...
之後仲留返anson既罪證比Papa,Mama返來睇!

見就來夠鐘anson仲未起身就叫醒anson返學!
回到學校係出面玩一陣,聽到鐘聲個個都已經自動自覺入課室上堂!

不過anson見Papa同佢上堂,上上下唔肯要Mama入去同佢上...

到食Tea時又成日偷看Teacher幾時入來吹波波,一見Teacher來
即刻食快d,飲快d!

 個個小朋友最鐘意既吹波波環節

放學後去左爺爺嫲嫲屋企食dinner
由於爺爺嫲嫲屋企對海的,anson好鐘意睇船船同海

到星期日anson一早就刷牙洗面,之後坐係到等Papa洗頭!

再落市中心既Burger King食早餐

今次又約左一大班BB一齊玩!10:10am-12:00玩左2hours

不過今次去d水都唔清而且都幾多垃圾!
反而端午節個時d水仲好d.

d沙仲好熱,Anson Papa有搽防曬點知無搽條頸
回家才發現成條頸紅晒都無乜點曬都紅得咁勁??

之後去左市中心食lunch回家同anson沖涼!
點知anson仲勁精神,於是Papa,Mama 3:00pm就帶anson回婆婆家!

Anson一落樓就同保安EE講搭巴士!


一上小巴anson就比睡魔急call未上巴士已經訓左.

;

mega box @ ikea &麥兜

星期日6:50am一早起身anson就話:"坐西鐵"
一早起身就掛住去街街,未到9:00am已經趕住話要出門口...
本來約左zero仔12:00係meag box等,點知出到去都係11:00am咋!
係德福行左一陣先,再坐車去mega box.
點知等車都幾多人.

12:00pm去到mega box!第一站先到ikea見唔多人食左個lunch先!
而ikea個餐廳有個位係比小朋友玩既.
好多papa mama都選擇圍住坐方便睇住小朋友.

有野食啦!anson一見薯條就即刻坐定定自己係咁食.

Papa仲叫左個意粉比anson食添!
Anson食左好多薯條+半碗多意粉,西蘭花+瑞典肉圓

Anson見我地食蝦又要食,最後比左少少蝦佢食!

食完又玩多一陣諗住走之際,有個小朋友玩到忘型,賴左尿.
之後所有小朋友四散,無得玩!

之後anson又去左兒童部玩左陣!玩完為免anson係其他部門攪攪震
同佢坐車車隱陣d!不過間唔中都要扭落車嫁!

行完ikea zero仔又未到!又見anson應該都累了.
上去同麥兜影埋相好走了.

影相又係勁多人,加上anson唔多合作,周圍走

好不容易先捉到佢影幾張相咋!

走時等車又係勁多人...(下次真係唔好攪呀)
到我地走時zero仔先剛剛到,為有下次再約過啦!

上左巴士anson已經訓左,平時落車anson已經起身
點知今次累到返到婆婆屋企都仲訓緊,足足訓左3個鐘!

P.S anson papa教左anson唱"3隻白白豬"唔知大家又聽唔聽得明呢?

老爺奶奶第一次全日湊anson

1/7 anson一早係婆婆家等我地帶佢返屋企
由於8月開始anson就要返屋企準備9月返N1
而老爺奶奶亦未試過湊anson於是叫佢地試下湊...

返到屋企就最鐘意自己寫野+叫mama畫公仔!

而且成日係mama房跑出廳

2/7由於anson papa,mama都要返工無人影相!
mama返工很都成日係到諗anson唔知點呢??(基本上成日都無心機做野)
衛生問題我已經控制唔到亦唔想知亦唔夠擔去諗...而且最擔心anson飲唔夠水(因一唔夠水佢去便便係勁辛苦的)
當然anson mama都成日打比奶奶啦!(我想奶奶一定煩到嘔)
其實就算係anson婆婆我一日都起碼打3-4次tel比佢嫁!

anson當日只係落過會所玩姐!之後都係留係屋企.
而老爺當晚都只係整左湯,(有可能廚房唔同自己屋企所以都唔煮了)
老公買左燒鴨+茄汁豆回家.
我想老爺奶奶唔煮飯既生活會係由anson回家開始
(因老公未同佢地講唔比佢地帶anson回佢地家,只可留在我地家呢
其實mama屋企唔似婆婆屋企方便一落街就係商場
mama屋企去邊都要轉一程車!
當然自己都唔想anson走來走去啦!都係留係屋企安全d)
而奶奶食完飯8:00pm倒已經話要走了!
當日老爺奶奶仲話anson係咁叫"爺爺,嫲嫲...

而當日回到家發現:
1)anson mama有一個clean既奶樽放左係anson個專用有蓋兜到!
點知回到家佢地無用不特至,仲將我前晚+朝早個2個用過既奶樽
就咁用水沖下就比水anson飲!
事後同老公講,佢都話: "佢阿媽係咁上下,唔比佢激死都已經偷笑..."(好在anson都唔係細姐,如果係初出世既BB咁比佢地攪法死得啦!
自己一心諗住等佢地用埋個clean奶樽回家先一次過steam,
下次anson mama唔懶得一定要steam晒d奶樽先好出門口)

2)老爺自己漏口風比"玻璃spoon" anson用!
anson papa聽到已即時話老爺叫佢唔好,一陣打破左玻璃.(我自己無出聲)
但老爺一於好少理, 仲話anson papa乜都驚,邊擔心得咁多
(我真係好想問下佢,如果佢唔係比玻璃spoon anson用我地洗擔心咩?
如果我個仔比玻璃整到佢負擔得起咩??
就算自己阿媽做錯野我亦都有咁話過,亦同佢講佢湊anson有乜事
佢生返個賠返比我!
anson mama細佬細個(仲讀緊幼稚園)就係用玻璃碗整到塊面繨左針,
我亦有同佢地講過,自己細佬既事,佢地又係唔係想比anson試下?)
anson mama已經決定將自己屋企所有玻璃野會換過晒佢!
叫又叫唔聽,為有自己做野!唔洗自己心掛掛.
K1到時再考慮同唔同anson轉讀全日.
anson mama真係要買多d股票,轉做全職C奶先得!

到3/7 anson papa自己請假湊anson,點解半日都唔比老爺奶奶埋?
lee個問題我都有問過anson papa,但anson papa唔肯.

10:00am老爺奶奶都有上來睇anson,不過今日有可能papa係到了
唔洗跟住老爺奶奶,叫佢叫"爺爺,嫲嫲"當聽唔到.
乜依家d小朋友咁現實既??anson papa仲諗住日後靠個仔養,我想都幾難囉.
好在anson mama諗都無諗過要靠個仔姐!

之後又落會都玩了!

mama放工返來就返playgroup!

又自己玩帽!
最估唔到等anson落堂時有個mama來參觀playgroup
仲主動走來anson mama身邊話睇過我個Blog呢!
死啦!比人點左相添,haha....
原來個位mama係見到anson上緊lee間palygroup先走過來睇下環境.
之後都同個mama傾左一陣!真係估唔到自己個blog咁多人睇呢!

今堂teacher教既主題係廚房,anson papa同anson上堂
連papa都話好多生字都唔識呢!看來mama都係時候要攞返上次買個本字典讀定先得!