感冒了

 

星期三一朝早收到婆婆既電話!
(心諗都唔慌好野)
原來ANSON星期二晚3:00AM發燒,
好在都唔係燒得好高around 37.7-37.9度.

婆婆9:00AM就帶左ANSON睇醫生.
(因之前睇過兒科覺得唔係咁合ANSON,
而且又收得貴喎!依家ANSON有病都會去
睇返ANSON MAMA睇開個醫生)

醫生話ANSON係感冒呢!
醫生開左一支退燒,一支止咳,一支收鼻水藥
共有6日藥既份量,收左$180

始娘仲送左個波波比ANSON玩添!

流住兩行鼻涕的小鬼, 以舊可愛

依舊玩得食得, 只係睡眠質素差小小

仲表演自己跳起身跳跳紮

最後10秒anson自己企左起身添!

BB按摩班-第2堂

星期六晚又係時候帶Anson回家了!
點知6299來我家睇Anson,Anson又喊啦!
6299係到Anson就喊足咁久. (喊左成30mins 蔭公)直到6299無引走左,Anson先至收聲唔喊又再攪攪陣...
去左廁所玩水!

到星期日又去上BB按摩班,Anson一去到又係怕陌生環境
不過過左一陣又無事了!
個個BB都好乖比Papa / Mama按摩,只有Anson全程爬來爬去
攪其他BB &走Miss到玩攪攪震!
死都唔訓底比Mama按摩

落堂後Anson仲留左係到玩左一陣先走 (課室出面有個Area比BB玩的)

玩下玩具&滑梯~

玩完之後Anson個Friend就上左我屋企玩啦~
Anson個朋友仔Zero同Anson同一間醫院同一日出世仲一齊上Palygroup嫁!
不過Anson同Zero好似無乜交流,各自各玩喎!
Zero好叻嫁!識拍手,自己打娃娃,識用手指指野,又唔怕陌生環境.

Zero Mama仲送左個玩具比Anson呢! (真係多謝晒佢地呀!!)

Anson到下午又係時候返婆婆到啦!
不過6299話想Anson返去之前見下佢,於是約左係商場等!(Anson如果去到多人地方無咁驚陌生人
反而如果有陌生人去我地家/Anson去人地家就會喊不停+
只跟Mama+唔比其他人抱lee個問題都幾傷惱根)

Anson最終都唔肯比其他人抱!

見完6299坐巴士既Anson又唔訓覺,好精神呢!

Anson既目標 : 想玩巴士個扶手!!

落車前Anson頂唔順訓左一陣,回到婆婆家既門口已經起左身!

返到婆婆到又發現左有幾個新玩具,Anson又有排玩啦!!

仆傻瓜

早排媽媽買咗個鎚仔俾anson玩

不過anson都唔知點玩好

所以高脂爸爸就同anson一齊玩鎚仔啦

最初高脂爸爸當anson係傻爪咁仆, anson不知仆得幾開心



不過anson玩咗一陣之後發覺自己做咗傻瓜唔多like

Anson 11個月囉

anson 仲有一個月就 1 歲啦

家陣已經再唔係一個bb, 變咗個小朋友

近個月最大的轉變係識聽人講野

例如聽到街街, 無論anson幾唔鐘意你, 佢都會飛撲過嚟跟住你

聽到俾俾, anson真係會將佢手上的物件俾你, 不過即時會搶番嚟玩

聽到比咀咀我, 佢又會真係俾番個奶咀俾你, 不過你要即時接住個奶咀

因為anson唔會理你隻手係邊, 奶咀除時會跌落地下

食野方面, 暫時食過的種類多到數唔完

知道佢唔鍾意食的得兩種, 一種係木瓜,

另一種竟然係專俾baby食的baby food, 唔通佢知道自己已經唔係baby?

活動方面, 來去如飛,, 遇上阻礙物, anson不會隔硬前進,

他會很醒咁先推開阻礙物先再前進

現在很喜歡看電視, 由其是廣告, 睇見自己喜愛的廣告就會笑

其中喜愛的廣告係吉百利 & 清潔運動呢!

貼身羔羊

 星期六終於要帶Anson回家了!
由於Anson Papa要返工,得Anson Mama一個人帶Anson返屋企咋.
回想起Anson只係2個月&6個月時返過自己屋企.
唔知佢返到屋企又慣唔慣呢??

Anson坐車時都好乖,仲訓左一陣添!
一返到屋企,Anson覺得好陌生,仲有d驚添.
唔夠膽周圍走,仲要我一定係佢身邊,
行開2步都即喊.

得到Papa返來啦!不過都係唔肯跟Papa.
見到爺爺麻麻仲好驚喊得好淒涼添...
好在到訓覺時無應地方,同平時一樣咁咋~

到早上5:00am Anson就要食奶奶,7:00am就起左身了!
Anson Papa仲好不情願地起身呢!
到星期日去上BB按摩班.全部都係0809 Mama來嫁.
Anson都唔肯訓低比Mama按摩上到一半仲扭眼訓,訓左!
(下圖 : Anson的眼訓look)

上完堂就返屋企沖左個涼飲完果汁
就去同爺爺麻麻飲茶.(不過Anson都係唔肯比其他人抱)
飲完茶就返去婆婆到了!
不過當Mama走既時間,Anson唔肯比Mama走,喊得好淒涼呢!

而Anson Papa就話湊左Anson一日已經覺得
無晒Energy仲話辛苦過返工喎!

P.S. 最近見Anson成日用口吹來吹去,有時吹到有少少聲添!
唔知佢係唔係見到Mama識吹口哨,自已又想學呢??